Qeveria e Kosovës dhe ajo e Holandës kanë arritur marrëveshjen për selinë e Gjykatës Speciale për Krime lufte.
Lajmin e ka konfirmuar kryeministri i Kosovës, Isa Mustafa.
"Marrëveshja është arritur, para 10 ditësh, në mes të një grupi punues të qeverisë së Kosovës dhe përfaqësuesve të qeverisë së Holandës, me ndërmjetësimin e Bashkimit Evropian", ka thënë Mustafa gjatë një konference për media në Prishtinë.
Tani, sipas tij, ka mbetur vetëm ana procedurale e ngritjes së saj.
Kjo Gjykatë pritet të trajtojë rastet e dyshuara dhe supozuara të krimeve të luftës gjatë konfliktit të fundit në Kosovë, e cila do të jetë në kompetencë të prokurorëve e gjykatësve ndërkombëtarë.
Një zyrë pritet ta ketë edhe në Prishtinë.