Udhëheqësi i partisë opozitare pro-kurde në Turqi e ka kritikuar Ankaranë për rrëzimin e avionit ushtarak rus gjatë muajit të kaluar.
Selahattin Demirtas, lideri i Partisë Demokratike të Popullit, i adresoi kritikat në Moskë pas takimit që pati sot me Ministrin e Jashtëm rus, Sergei Lavrov.
Udhëtimi i tij në Rusi dhe pritja e ngrohtë që i është bërë atij, është në kundërshtim me komentet e presidentit rus, Vladimir Putin, i cili gjatë javës së kaluar tha se nuk sheh perspektivë në përmirësimin e raporteve mes Turqisë dhe Rusisë, nën udhëheqjen aktuale që e ka Turqia.
Rusia ka vendosur sanksione ekonomike ndaj Turqisë pas incidentit të 24 nëntorit dhe e ka kritikuar ashpër presidentin Tayyip Erdogan.
Erdogan e ka akuzuar partinë pro-kurde për lidhjet me militantët kurdë që luftojnë në lindje të Turqisë.
Lavrov i tha Demirtas, se Rusia është e gatshme që t’iu ndihmoj kurdëve për të luftuar kundër militantëve të Shtetit Islamik në Irak dhe Siri.