Korrespondenti i gazetës New York Times, Salman Masood, thotë se shtëpinë e tij në Islamabad e kanë bastisur forcat paraushtarake të Pakistanit.
Gazetari Masood tha se këto forca kishin ardhur në shtëpinë e tij sot herët në mëngjes duke thënë se janë në kërkim të të “dyshuarit për terror”.
Ministria e brendshme e Pakistanit tha se bastisja “nuk ishte në asnjë mënyrë e arsyeshme apo e pranueshme”, por nuk ka shpjeguar se për çfarë arsye.