Shefi i bankës kryesore, Sberbank, në Rusi, German Gref, tha se Moska ka dështuar të kryej reforma ekonomike dhe ka rënë në nivelin e vendeve “humbëse”.
Mëtutje, zoti Gref tha se Rusia e kishte “humbur garën” nga varshmëria e tepërt në eksportin e naftës.
“Ne jemi në mesin e vendeve humbëse”, ka thënë ai në një konferencë ekonomike në Moskë, dhe ka shprehur keqardhje për dështimin e Rusisë që të investojë në teknologjitë e tjera për të qëndruar në krye të diagrameve.
Ekonomia e Rusisë është goditur fuqishëm nga rënia e çmimeve të naftës, që është artikulli kryesor i eksportit.
German Gref ka kërkuar reformim radikal të institucioneve shtetërore dhe të sistemit arsimor për t’i mundësuar Rusisë që t’i bashkohet revolucionit teknologjik.