Ushtria pakistaneze ka arrestuar pesë të dyshuar, nën akuzat për lehtësimin e një sulmi militant në një universitet, i cili ka lënë të vrarë 21 veta.
Militantët islamikë kanë sulmuar Universitetin Baça Kan në qytetin Çarsada më 20 janar, duke vrarë studentë dhe mësimdhënës.
Pesë të arrestuarit dyshohet se u kanë siguruar sulmuesve strehim, transport dhe armë, ka thënë zëdhënësit i ushtrisë, gjenerali Asim Salim Bajwa.
Sipas tij, tre të dyshuar të tjerë – një burrë, gruaja e tij dhe mbesa – ndodhen ende në arrati.
Gratë dyshohet se kanë blerë armë për sulmuesit në një treg armësh në rajonin fisnor Dara Adam Khel, ka thënë Bajwa.
“Dy gratë kanë përdorur vellot e tyre për të sjellë armët e blera nga rajoni fisnor”, ka sqaruar ai.
Një fraksion i talibanëve, i udhëhequr nga një person që quan veten Khalifa Umar Mansoor, ka marrë përgjegjësinë për sulmin në universitet dhe ka kërcënuar me sulme të tjera të ngjashme.
