Një oficer i policisë në Afganistan fillimisht është droguar dhe më pas ka shtënë në drejtim të kolegëve të tij, duke lënë të vdekur dhjetë policë.
Ky është incidenti i dytë i këtij lloji në dy javët e fundit në provincën Uruzgan.
Aksioni i policisë për kapjen e të dysharit është duke vazhduar.
Autoritetet thonë se ka të ngjarë që ai mund të ketë lidhje me talibanët.
Një zëdhënës i talibanëve e ka konfirmuar incidentin e sotëm dhe ka shtuar se militantët kanë marrë nën kontroll një stacion të policisë në qarkun Çinarto.
Komentuesit thonë se sulmi është pjesë e fushatës dimëore të talibanëve në të gjithë vendin, pavarësisht përpjekjeve për rifillimin e bisedimeve për paqe.
Të ashtuquajturat sulme të brendshme, kur ushtarët ose policët afganë drejtojnë armët kah kolegët e tyre apo trupat ndërkombëtare, kanë qënë një problem i madh gjatë viteve kur NATO-ja ka luftuar përkrah forcave afgane.
Më 17 janar, nëntë policë afganë janë vrarë në provincën Uruzgan nga katër kolegë të papërgjegjegjshëm, të cilët thuhet se kanë qenë të ndikuar nga talibanët.
