Nga një eksplodim i fuqishëm afër ndërtesës së parlamentit afgan dhe stacionit të policisë, në pjesën qendrore të kryeqytetit Kabul, janë vrarë 10 vetë.
Zëvendësministri i brendshëm i Afganistanit, Ayuzb Salangi, në rrjetin Twitter ka njoftuar se janë plagosur edhe 20 të tjerë.
Në vendin e shpërthimit janë dërguar ambulancat e ndihmës së parë.
Ky është eksplodimi i fundit në serinë e disa sulmeve aktuale në Kabul, nga të cilat janë vrarë dhjetëra vetë.
