Shkalla e papunësisë në Eurozonë ka rënë në 10.4 përqind në muajin dhjetor, duke arritur normën më të ulët qysh në shtator të vitit 2011.
Agjencia e Statistikave të Bashkimit Evropian - Eurostat ka dalë sot me të dhënat e reja.
Sipas saj, numri i të papunëve në Eurozonë ka rënë në 16.75 milionë – 49,000 më pak se në muajin nëntor.
Papunësia te të rinjtë ka qenë shumë më e lartë, përkatësisht 22 përqind.
Republika Çeke i është bashkuar Gjermanisë me normën e papunësisë, duke qëndruar të dyja në 4.5 përqind.
Në ekstremin tjetër, në Greqi, 24.5 përqind e popullsisë ka qenë e papunë në muajin tetor, ndërsa papunësia e të rinjve ka qenë 48.6 përqind.
Të dhënat e tetorit janë të dhënat më të fundit të disponueshme për Greqinë.
