Tenisti numër tre në botë, Roger Federer, do të jetë jashtë fushës për një muaj, për shkak të një operacioni në gju.
Federer, 34 vjeç, 17 herë kampion i Grand Slamit, është operuar në Zvicër.
Ai është lënduar një ditë pasi është mposhtur nga Novak Gjokoviq, në gjysmëfinalen e turneut Australian Open, javën e kaluar.
Federer është tërhequr nga Turneu Botëror i Tenisit në Roterdam dhe Kampionati i Dubait, që mbahen këtë muaj.
Ai është kampion në fuqi në Dubai, ku ka siguruar titullin e shtatë, marsin e kaluar, ndërsa në Roterdam ka fituar dy herë.