Liderët e Afganistanit kanë kërkuar që talibanët ta ndalin kryengritjen 15 vjeçare dhe të zhvillojnë negociata për përfundimin e luftës.
Presidenti Ashraf Ghani dhe shefi ekzekutiv, Abdullah Abdullah, sot në Kabul u kanë bërë thirrje talibanëve për paqe gjatë përkujtimit të tërheqjes së ushtrisë sovjetike nga Afganistani në vitin 1989.
“Secili grup opozitar që synon të jetoj në vëllezëri me ne është i mirëseardhur”, tha presidenti Ghani, dhe ka shtuar se me ndihmën e Zotit, “dita kur dielli i stabilitetit dhe paqes do të ngritet mbi Afganistanin dhe kur vendi do të jetë i lirë nga varshmëria dhe të tjerët, nuk është shumë larg”.
Shefi ekzektuiv, Abdullah Abdullah, u ka bërë thirrje talibanëve që “nëse kanë ndonjë ide ose pikëpamje, gjëja më e mirë për ta bërë është të vini në tryezën e negociatave”.
Aktualisht, janë mbajtur disa runde të bisedimeve në Kabul dhe Islamabad të Pakistanit, për ta përcaktuar planin e paqes së mundshme.
Në këtë bisedime janë përfshirë Shtetet e Bashkuara, Kina, Pakistani dhe Afganistani, por nuk ka pasur përfaqësues të talibanëve.
