Shtatë policë të vrarë në Pakistan
Në qytetin Ghalani të Pakistanit janë mbajtur funeralet për shtatë policë të vrarë, në një sulm në qarkun Mohmand. Ata kanë vdekur të mërkurën, kur militantët kanë sulmuar postbllokun e sigurisë. Fraksioni i talibanëve pakistanezë, Jamat ul Ahrar, ka marrë përgjegjësinë për sulmin. Mohmand është njëri nga disa qarqet në rripin fisnor të Pakistanit, pranë kufirit me Afganistanin, ku ushtria është duke luftuar militantë të Al Kaidës dhe talibanë për më shumë se një dekadë.