Policia zvicerane ka njoftuar se tre vetë e kanë plaçkitur një argjentari në qendër të Cyrihut, me ç’rast janë plaçikur stoli dhe para të gatshme në vlerë prej një milioni dollarësh.
Mëtutje, në kumtesën e mbrëmshe, policia tha se këta persona kishin hyrë në sallonin, Harry Hofmann, në mesditë dhe u ishin kërcënuar dy shitësve me armë.
Ata pastaj morën stoli, gurë të çmueshëm dhe para të gatshme dhe u larguan nga vendi i ngjarjes.
Dy shitësit nuk janë lënduar.
Policia tha se dy prej plaçkitësve kishin folur një gjuhë jo të rregullt gjermane, por nuk kanë dhënë detaje të tjera.