Një grup monitorues sirian thotë se 46 vetë janë vrarë dhe dhjetëra të tjerë janë plagosur, nga një sulm i dyfishtë me makinë-bombë në qytetin Homs, në pjesën qendrore të Sirisë.
Observatori sirian për të drejtat e njeriut me seli në Londër, mëtutje tha se pjesa më e madhe e të vrarëve duket se ishin civilë.
Guvernatori i Homsit, Talal Barazi, tha se numri i të vrarëve nga sulmi i sotëm ishte 25 vetë, ka raportuar Televizioni shtetëror i Sirisë.
Qyteti Homs është pothuajse i tëri nën kontrollin e qeverisë dhe rregullisht në të ka pasur sulme me bomba.
