Protestë kundër policisë në Pakistan

Njerëzit me aftësi të kufizuara në Peshauar, në Pakistan, kanë protestuar kundër zyrtarëve lokalë të policisë, duke i akuzuar ata se i kanë shënjestruar dhe arrestuar padrejtësisht. Shumë njerëz me aftësi të kufizuara në Peshauar, të cilët po kanë vështirësi në punësim, punojnë si transportues të dërgesave të tekstilit ndërmjet qyteteve. Disa prej materialeve që ata i transportojnë kontrabandohen për në Pakistan, për t’i ikur doganës. Punëtorët me aftësi të kufizuara thonë se ata janë shënjestruar gabimisht nga policia, e cila kërkon ryshfet dhe i arreston ata ilegalisht.