Sot policia e ka lansuar një operacion antiterror në hapësirën e Brukselit, që konsiderohet se është shtëpia e të dyshuarit për sulmin në Paris, Salah Abdeslam, gjurmët e gishtërinjve të të cilit janë gjetur në një banesë që ishte bastisur këtë javë, kanë thënë prokurorët.
“Po zhvillohet një operacion policor në Molenbek”, ka raportuar agjencia shtetërore e lajmeve në Belgjikë, Belga, duke e cituar zyrën e prokurorit federal.
Nuk janë dhënë detaje të tjera.
Më herët kjo zyrë ka njoftuar se policia i kishte gjetur gjurmët e gishtërinjve të të dyshuarit Salah Abdeslam, në një banesë në qarkun Farah të Brukselit, që ishte bastisur të martën.
Policia e ka vrarë një të dyshuar gjatë kësaj bastisjeje, ndërsa dy persona të tjerë ia dolën të largoheshin. Ka pasur raporte që kanë sugjeruar se njëri prej tyre ishte pikërisht Salah Abdeslam.
