Ministri i jashtëm i Sllovenisë, Karel Erjavec, ka deklaruar sot pas takimit me ministrin e jashtëm të Kroacisë, Miro Kovaç, se raportet politike ndërmjet dy vendeve mbesin të ngarkuara me çështjet e hapura.
“Vlerësoj se bisedimet, megjithatë, ishin të dobishme, por sa u përketë çështjeve kryesore, siç janë marrëveshja e arbitrazhit dhe memorandumi për trashëgimi, secili shtet mbetet në qëndrimet e veta”, tha Erjavec sot në Lubjanë, dhe ka shtuar se Sllovenia i respekton marrëveshjet ndërkombëtare dhe ato dypalëshe dhe këtë gjë e pret edhe nga Kroacia.
Ministri Kovaç e ka paraqitur qëndrimin e Kroacisë se procesi i arbitrazhit për të është diçka e kaluar.
Të dy ministrat janë pajtuar se raportet ekonomike dhe kulturore dhe marrëdhëniet e banorëve të dy vendeve janë të mira dhe dëshriojnë që ato të thellohen.
Erjavec dhe Kovaç kanë biseduar edhe për domosdoshmërinë e perspektivës evropiane për Ballkanin perëndimor dhe rolin e rëndësishëm të Sllovenisë dhe Kroacisë në këtë proces
