“Kjo nuk është drejtësi”
Shumë të mbijetuar të luftës së Bosnjës, gjatë viteve 1992-1995, kanë reaguar me zhgënjim ndaj vendimit të Gjykatës së Hagës kundër ish-liderit të serbëve të Bosnjës, Radovan Karaxhiq. Ai u dënua të enjten me 40 vjet burg, pasi u shpall fajtor për gjenocid dhe krime të luftës. Gjykata vendosi se Karaxhiqi ishte përgjegjës për masakrën e Srebrenicës të vitit 1995, në të cilën u vranë 8000 burra dhe djemë myslimanë. Por, familjet e viktimave thonë se Karaxhiqi do të duhej ta merrte një dënim më të rëndë. (Shërbimi i Ballkanit i Radios Evropa e Lirë)