Ministria Ruse e Mbrojtjes ka thënë se ekspertët rusë për deminim kanë arritur në Siri për të nisur pastrimin e minave, në qytetin antik të Palmirës.
Trupat siriane, të mbështetura nga sulmet ajrore ruse, së fundmi kanë rimarrë Palmirën, e cila ishte nën kontrollin e Shtetit Islamik për 10 muaj.
Rusia është zotuar që ta ndihmojë qeverinë siriane me pastrimin e minave në lokacionet arkeologjike.
Ministria e Mbrojtjes tha përmes një deklarate se grupi i parë për deminim ka arritur sot në një bazë ruse në Siri. Ende nuk është e qartë se kur ky ekip do të arrijë në Palmira.
