Ushtria e Sirisë e ka gjetur një varrezë masive me 40 trupa të pajetë në qytetin historik, Palmira, pasi ky qytet është rimarrë nga grupi ekstremist, Shteti Islamik, ka raportuar agjencia shtetërore e lajmeve, SANA.
Sipas raportit, në varrezë gjenden edhe trupa me koka të prera.
Një burim i tha agjencisë AFP se 24 trupa të të varrëve ishin civilë.
Tashmë disa trupa janë identifikuar.
Observatori sirian për të drejtat e njeriut me seli në Londër, që e monitoron konfliktin në Siri, tha se militantët e Shteti Islamik i kanë ekzekutuar së paku 280 njerëz gjatë okupimit të tyre në këtë qytet.
Trupat e Sirisë, të mbështetura nga sulmet ajrore të Rusisë, aktualisht e kanë rimarrë kontrollin në Palmira, pasi ky qytet për 10 muaj ishte okupuar nga militantët e Shtetit Islamik.