Ndërlidhjet

Daçiq: Serbia e vendosur t’i bashkohet BE-së


Ministri i Jashtëm i Serbisë, Ivica Daçiq
Ministri i Jashtëm i Serbisë, Ivica Daçiq

Pavarësisht problemeve të bllokut, Serbia është e vendosur që t’i bashkohet Bashkimit Evropian, dhe nuk do të bëjë asgjë që do t’i rrezikonte marrëdhëniet e mira me Rusinë, ka thënë ministri i Jashtëm i Serbisë, Ivica Daçiq, në një intervistë për agjencinë e lajmeve Reuters.

Daçiq është gjithashtu edhe zëvendëskryeministër i Serbisë, në koalicionin qeverisës që po parashihet t’i fitojë edhe katër vite të tjera pushtet, në zgjedhjet e përgjithshme të së dielës në Serbi.

Qeveria serbe i ka hapur negociatat për anëtarësim me BE-në dhjetorin e kaluar, dhe shpreson t’i përfundojë ato deri në vitin 2019, por rezultatet e anketave tregojnë se serbët janë skeptikë rreth përfitimeve që mund t’i kenë nëse i bashkohen këtij blloku.

Më tutje ministri Daçiq ka folur edhe për problemet me të cilat po përballet ky mekanizëm evorpian.

“Është e qartë se BE-ja ka probleme. Nuk ka institucione ndërkombëtare pa probleme në funksionim”, i ka thënë Reuters-it Daçiq.

“Serbia nuk është as Norvegji e as Zvicër që të thotë se nuk ka nevojë për BE-në. Dalja e Britanisë së Madhe nga blloku është problem i BE-së, por kjo gjë nuk ndikon në vendosmërinë tonë për t’iu bashkuar BE-së”, ka thënë ai.

Blloku prej 28 vendeve anëtare është partneridhe investuesi më i madh tregtar i Serbisë, sikurse edhe i dy vendeve të tjera të ish-Jugosllavisë; Kroacisë dhe Sllovenisë, të cilat veçse janë anëtare të bllokut.

XS
SM
MD
LG