Bashkimi Evropian ka propozuar liberalizimin e vizave për Ukrainën.
Sot, konfirmojmë propozimin për udhëtimin pa viza të qytetarëve ukrainas, me pasaporta biometrike, drejt vendeve të Bashkimit Evropian, ka thënë komisionari për çështje të brendshme të BE-së, Dimitris Avramopoulos.
“Duhet të jemi të bashkuar dhe të mbështesim fqinjin tonë”, ka shtuar ai.
Megjithatë, nuk është ende e qartë se sa shpejt do të ndodhë liberalizimi, pasi disa shtete në Parlamentin Evropian dhe Këshillin Evropian duan të ngadalësojnë procesin.
Komisionari për zgjerim i BE-së, Johannes Hahn, do të udhëtojë sot në Ukrainë për ta paraqitur zyrtarisht propozimin.
