Presidenti i Ukrainës, Petro Poroshenko, ka ndjekur një ceremoni në uzinën e Çernobilit, me rastin e 30-vjetorit të katastrofës bërthamore.
Më 26 prill të vitit 1986, një shpërthim i fuqishëm në Çernobil ka shkaktuar rrezatim që është përhapur në një pjesë të Evropës, ndërsa më së shumti janë goditur Ukraina dhe Bjellorusia.
Poroshenko ka thënë se “pasojat e katastrofës” nuk janë zgjidhur ende.
Ai ka thënë se fatkeqësia ka qenë “barrë e rëndë në krahët e popullit ukrainas” dhe se vendi ka rrugë të gjatë përpara për të tejkaluar tragjedinë.
Niveli i radioaktivitetit vazhdon të mbetet i lartë në zonat përreth Çernobilit.
Për më shumë rreth kësaj ngjarjeje, lexoni këtu.