Trupi i pjesëtarit të forcave speciale ruse, i vrarë gjatë betejës me militantët e Shtetit Islamik për rimarrjen e qytetit Palmira në Siri, është kthyer në Rusi.
Ministria ruse e Mbrojtjes, tha se trupi i 25 vjeçarit, Aleksandr Prokhorenko, do të varroset me ceremoni ushtarake.
Ushtarakët thanë se Prokhorenko po luftonte përkrah forcave qeveritare siriane duke orientuar sulmet ajrore ruse ne Palmira, kur pozicioni i tij u rrethua nga luftëtarët e IS-it në muajin mars.
Sipas zyrtarëve ushtarak, Prokhorenko kërkoi që avionët të bombardojnë pozicionin e tij, kur e pa se është rrethuar dhe mund të kapet i gjallë.
Sulmi ajror, vrau Prokhorenkon si dhe militantët që ishin afër për ta kapur atë.
Presidenti rus , Vladimir Putin, e dekoroi Prokhorenkon me titullin “Hero i Rusisë”.