Zyrtarët pakistanezë thonë se dy shpërthime të njëpasnjëshme kanë vrarë dy zyrtarë policorë dhe lënduar 17 njerëz në qytetin veriperëndimor të Peshauarit.
Zyrtari i Policisë, Sajjad Khan, i ka thënë Radios Marshall se bomba e parë, e vendosur në afërsi të rrugës, shpërtheu kur një veturë policie kaloi në Aslam Dheri, një lagje në periferi të qytetit.
Bomba e dytë shpërtheu në kohën kur në vendin e ngjarjes arritën ekipet policore.
Në mesin e të lënduarve ka zyrtarë policorë, pjesëtarë të ekipeve të shpëtimit dhe të mediave.
Deri më tani askush nuk e ka marrë përgjegjësinë për sulmin.
Ka kohë që kjo zonë është bërë qendër e militantëve të Shtetit Islamik në Pakistan, dhe Peshauari së fundmi ka përjetuar disa sulme të kryera nga militantët.
