Kryeministri Vuçiq pret sopranon Inva Mula

Kryeministri i Serbisë, Aleksandar Vucic, ka pritur sot në Qeverinë e Serbisë, në Beograd, Inva Mulën, sopranon shqiptare me famë botërore. Inva Mula do t’i prezantohet publikut beogradas në Skenën e Madhe të Teatrit Kombëtar me operën ‘Boemi” të Gjakomo Pucinit. Inva Mula është sopranoja më e njohur në botë, që u prezantua në operat në Skalën e Milanos, në operën e Parisit dhe në operat e tjera në Bruksel, Munich, Oslo… Zëri i saj u “huazua” në sinkronizimin e personazhit në filmin “Elementi i Pestë” Inva Mula do të këndojë edhe himnin e Nënës Terezë dhe është një prej sopranove më të njohura që iu prezantua shumë herë publikut në Shqipëri dhe në Kosovë. (Shërbimi për Ballkanin i Radios Evropa e Lirë)