Ushtria turke ka vrarë së paku 28 luftëtarë të grupit militant Shteti Islamik në qytetin Alepo të Sirisë.
Sulmet kanë goditur 58 caqe të organizatës ekstremiste, bën të ditur CNN-i turk.
Burimi i njëjtë, duke cituar një deklaratë të ushtrisë, thotë se sulmet janë hakmarrje për bombardimet e një qyteti kufitar të Turqisë, javën e kaluar.
Qyteti Kilis është goditur disa herë me raketa nga territoret që kontrollon Shteti Islamik në Siri.
Qysh në muajin janar, sulmet atje kanë vrarë 21 veta, përfshirë edhe fëmijë.