Një person i armatosur, i vrarë gjatë të shtënave me policinë e Dallasit, ka thënë se “dëshironte t’i vriste të bardhët, veçanërisht policët e bardhë”, tha policia.
Shefi i policisë së qytetit, David Brown, tha sot se i dyshuari u ka thënë negociatorëve se ai ishte i shqetësuar për të shtënat e policëve kundër personave afrIikano-amerikanë.
Ky njeri ka thënë se po vepronte i vetëm.
Pesë oficerë të policisë janë vrarë dhe 7 të tjerë janë plagosur nga të shtënat me snajperë gjatë një sulmi mbrëmë vonë.
Presidenti amerikan, Barack Obama, e ka dënuar sulmin duke e cilësuar “mizor”.
Policia tha se së paku dy snajperë kanë hapur zjarr “në stilin e pritës” ndaj policëve.
Policia tha se tre vetë janë arrestuar, ndërsa i katërti është vrarë pas një gjendjeje të tensionuar.
Këto vrasje, që janë ndër më vdekjeprurëset kundër policisë amerikane, kanë ndodhur gjatë protestave ndaj dy vrasjeve aktuale të personave afrikano-amerikanë, nga policët.