Një gjykatë në Moskë ka refuzuar ta ndryshoj dënimin me kusht për liderin opozitar rus, Aleksey Navalny, me dënim të menjëhershëm me burg.
Gjykata e Qarkut Lyublino sot ka vendosur se kërkesa e Shërbimit Federal të Burgjeve në Rusi (FSIN), për ta ndryshuar dënimin me kusht të Navalnyt, nuk është e arsyeshme, meqë nuk ka pasur shkelje të mëdha në aksionet e tij lidhur me dënimin me kusht.
FSIN ka kërkuar burgosjen e menjëhershme të liderit opozitar, duke pretenduar se ai rregullsiht i ka shkelur kushtet e dënimit me kush, duke dështuar që të paraqitet në polici.
Në dhjetor të vitit 2014, Aleksei Navalny dhe i vëllai i tij Oleg, janë shpallur fajtorë për vjedhje të shkallës së gjërë nga dy firma ruse në periudhën 2008-2012.
Aleksei ishte dënuar me 3.5 vjet burg me kusht, ndërsa Olegu me 3.5 vjet burg.
Të dy vëllezërit i kanë hedhur poshtë akuzat duke i cilësuar polikisht të motivuara.
