Të indinjuar me vendimin e administratës së Kryesisë së Kuvendit për mos lejimin e medieve që të përcjellin nga afër punimet e këtij organi, gazetarët e pranishëm kanë vendosur që të bojkotojnë konferencën e paralajmëruar nga kryetari i Kuvendit, Kadri Veseli. Mediat nuk kanë qenë të pranishme as në momentin kur deputeti i Vetëvendosjes, Glauk Konjufca hodhi gaz lotsjellës për të penguar punimet e Kryesisë, e cila po diskutonte caktimin e seancës plenare për ratifikimin e Marrëveshjes për Demarkacionin e kufirit me Malin e Zi.