Katër oficerë të policisë dhe dy civilë janë vrarë nga eksplodimi i një makine-bombë në pjesën juglindore të Turqisë.
Zyrtarët kanë raportuar se eksplodimi i sotëm ka ndodhur jashtë ndërtesës së policisë në një rrugë të ngarkuar në provincën Dijarbakir, që ishte arenë e përleshjeve ndërmjet forcave të sigurisë dhe militantëve kurdë, prej korrikut të vitit 2015, kur u shkatërrua armëpushimi.
Janë plagosur së paku 25 vetë, përfshirë tetë policë.
Megjithqë zyrtarët i fajësojnë militantët kurdë për këtë sulm, deri tash askush nuk e ka marrë përgjegjësinë.
Sipas Grupit Ndërkombëtar të Krizave, prej se është shkatërruar armëpushimi, janë vrarë 1,856 pjesëtarë të sigurisë, militantë kurdë dhe civilë.