Ish-presidenti i Federatës Botërore të Futbollit (FIFA), Joao Havelange, ka vdekur në moshën 100-vjeçare.
Havelange, brazilian, ka shërbyer në krye të FIFA-s nga viti 1974 deri më 1998.
Ai ka dhënë dorëheqje si president nderi i FIFA-s në prill të vitit 2013, pas një hetimi mbi akuzat për ryshfet.
Havelange ka qenë anëtar i Komitetit Olimpik Ndërkombëtar nga viti 1963 deri më 2011, kur ka dhënë dorëheqje për arsye shëndetësore.
Si president i FIFA-s, ai ka udhëhequr zgjerimin e Kampionatit Botëror të Futbollit nga 16 ekipe në 32.