Ndërlidhjet

SHBA: Nga zjarret në Kaliforni – evakuim i më se 80 mijë banorëve


Pamje nga zjarri në rajonin San Bernardino në Kaliforni
Pamje nga zjarri në rajonin San Bernardino në Kaliforni

Më se 80 mijë njerëz janë evakuuar për shkak të zjarreve të fuqishme në jesën lindore të Los Anxhelosit, në shtetin amerikan, Kaliforni.

Guvernatori i këtij shteti, Jerry Brown, ka shpallur gjendje të jashtëzakonshme, kanë njoftuar autoritetet lokale.

Janë të rrezikuara afro 34 mijë shtëpi, ndërsa gjendje e rëndë mbretëron në rajonin San Bernardino, që është 100 kilometra në lindje të Los Anxhelosit.

Disa ndërtesa janë shkatërruar, ndërsa në luftën për ndaljen e stuhisë së zjarrit janë përfshirë agjencitë shtetërore të Kalifornisë.

Autoritetet kanë urdhëruar evakuimin e më se 80 mijë banorëve, ndërsa është mbyllur një autostradë kryesore, raporton agjencia AP.

XS
SM
MD
LG