Në Pakistan janë rritur masat e sigurisë, një ditë përpara festivalit të myslimanëve shiitë, të njohur si Ashura. Policë të armatosur kanë dalë në rrugët e Peshauarit, ku janë planifikuar ritet fetare. Pakistani është i dominuar me myslimanë sunitë dhe ka pasur tensione sektare në të kaluarën. Vitin e kaluar, së paku 18 veta janë vrarë në një sulm vetëvrasës që ka ndodhur gjatë festivalit Ashura. Ashura përkujton martirizimin e nipit të Profetit Muhamed.