Ministri i Ekonomisë i Rusisë, Alexei Ulyukayev, është akuzuar formalisht për marrje ryshfeti gjatë shitjes së kompanisë shtetërore të naftës.
Komiteti Hetues i Rusisë tha se Ulyukayev ka pranuar ryshfet prej dy milionë dollarësh për të lehtësuar marrjen e gjigantit shtetëror të naftës Rosneft nga kompania Bashneft.
Me vendim të gjykatës, ai është vënë nën arrest shtëpiak për dy muaj.
Ulyukayev është zyrtari më i lartë në Qeverinë ruse që arrestohet, qysh prej vitit 1991.
"Ulyukayev u kap me presh në duar derisa po merrte ryshfet”, tha Svetlana Petrenko, zëdhënëse e Komitetit Hetues.
Nëse shpallet fajtor, Ulyukayev mund të përballet me dënim me burg deri në 15 vjet.
