Nga një sulm vetëvrasës kundër një automobili të qeverisë së Afganistanit në kryeqytetin Kabul, janë vrarë katër vetë dhe plagosur 11 të tjerë, kanë njoftuar zyrtarët.
Zëdhënësi i Ministrisë së brendshme të Afganistanit, Sediq Sediqi, tha se sulmuesi vetëvrasës ishte duke lëvizur në këmbë afër Ministrisë së mbrojtjes së Afganistanit.
Zyrtarët thanë se makina e cila ishte cak i sulmit, i takonte agjencisë afgane të spiunimit, Drejtorati për Siguri Kombëtare.
Asnjë grup nuk e ka marrë përgjegjësinë për këtë sulm, por aktualisht, kryengritësit talibanë i kanë shtuar sulmet e tyre kundër forcave të sigurisë në gjithë Afganistanin.