Ndërlidhjet

Rusi: Zgjatet paraburgimi i gazetarit të arrestuar për spiunazh 


Gazetari ukrainas, Roman Sushchenko, i paraburgosur në Rusi me akuzën se është spiun. 28 nëntor, 2016

Një gjykatë në Moskë ia ka zgjatur masën e ndalimit gazetarit nga Ukraina, Roman Sushchenko, i cili po mbahet i paraburgosur në Rusi me dyshimin se është spiun.

Gjykata e Qarkut të Lefortovos, më 28 nëntor ka urdhëruar zgjatjen e masës së paburgimit të gazetarit në fjalë deri më 30 janar të vitit 2017.

Sushchenko, korrespondenti i agjencisë së lajmeve “Ukrinform” i cili ka raportuar nga Parisi, është paraburgosur në Moskë më 30 shtator. Ai ishte ndaluar me dyshimin se ka mbledhur informacione të fshehta. Më 7 tetor i është ngritur aktakuzë për spiunim.

Qeveria e ukrainase e ka hedhur poshtë dyshimin se Sushchenko është agjent i shërbimeve të inteligjencës.

Në muajin tetor, Ministria e Jashtme e Ukrainës i ka dorëzuar një notë proteste konsullatës ruse në Kiev duke kërkuar lirimin e menjëhershëm të gazetarit në fjalë.

XS
SM
MD
LG