Ndërlidhjet

Trump fillon mitingjet falenderuese me tone populiste 


Presidenti i zgjedhur, Donald Trump, Cincinnati, Ohio

Presidenti i zgjedhur Donald Trump ka folur kundër globalizimit derisa është zotuar se do të mbyllë kufinjtë për disa migrantë nga Lindja e Mesme, derisa ka nisur mitingun e parë në turneun e falenderimit për elektoratin e tij.

Duke folur më 1 dhjetor në një arenë të Cincinnati të Ohios, Trump gjithashtu ka premtuar se do të rikthejë vende pune industriale për punonjësit amerikanë, duke përsëritur temën që e ndihmojë gjatë fushatës zgjedhore.

“Nga tash e tutje, Amerika do të jetë e para, në rregull?”, ka thënë ai.

Trump gjithashtu iu ka referuar një sulmi që ka ndodhur gjatë javës në një konvikt në Universitetin Shtetëror të Ohios në Columbus, sulmi kryer nga një imigrant i natyralizuar me origjinë nga Somalia.

Me qëllim që SHBA-ja të mbahet e sigurtë nga sulme të tjera, Trump ka thënë se ai do të pezullojë imigracionin “nga rajone ku procesimi nuk mund të kryhet i sigurt”, përfshirë edhe disa vende të Lindjes së Mesme.

“Njerëzit po vijnë me të madhe nga rajone të Lindjes së Mesme. Ne nuk e kemi idenë se kush janë ata, nga vijnë, çfarë mendojnë, ndërsa ne do i japim fund kësaj”, ka thënë ai.

Dje, ai ka udhëtuar edhe në Indiana ku një prodhues i klimave ka vendosur të mbajë 1 mijë vende pune në SHBA, në vend se të largojë ato për në Meksikë.

Trump e ka kritikuar kompaninë në fjalë gjatë fushatës parazgjedhore.

XS
SM
MD
LG