Ndërlidhjet

Rusia e kritikon OKB-në për mungesën e ndihmave në Alepo 


Ilustrim

Rusia ka kritikuar Kombet e Bashkuara që nuk ka ofruar ndihma humanitare në zonat e qytetit sirian, Alepo që tani janë nën kontrollin e forcave qeveritare.

Ushtria ruse ka qenë që ka ofruar ushqime, ndihma mjekësore dhe furnizime të tjera për 90 mijë banorët e lagjeve që janë marrë nga forcat ruse dhe pro qeveritare nga rebelët gjatë fundjavës.

Ankesa ndaj OKB-së është bërë nga zëdhënësi i ministrisë ruse të mbrojtjes, Major Gjeneral, Igor Konashenkov më 2 dhjetor.

“Të gjitha propozimet për të ofruar ndihma humanitare në Alepo janë ndalur pasi forcat qeveritare kanë çliruar mbi 40 % të qarkut lindor të qytetit”, ka thënë Konashenkov.

Komentet janë bërë një ditë pasi këshilltari i OKB-së për çështje humanitare, Jan Egeland, ka thënë Rusia ka dhënë shenja se dëshiron të diskutojë hapjen e katër korridoreve të sigurta për furinizimin e zonave që mbahen ende nën kontroll nga rebelët në Alepo.

Egeland ka thënë se OKB ka mjaftueshëm ushqime në pjesën perëndimore për 150 mijë njerëz që ende janë në Alepon lindore.

XS
SM
MD
LG