Ndërlidhjet

Regjimi rikthen qarqe të tjera në lindje të Alepos


Alepo, Siri
Alepo, Siri

Forcat aleate të Qeverisë siriane kanë rikthyer edhe pesë qarqe nga rebelët në lindje të Alepos.

Vëzhguesi Sirian i të Drejtave të Njeriut, grup që monitoron luftën në Siri, tha se forcat qeveritare tani kontrollojnë 70 përqind të ish-territorit të rebelëve në këtë qytet.

Vëzhguesi tha se forcat qeveritare kanë kapur Shaar-in, një lagje strategjike në zemër të territorit rebel.

Ministria ruse e Mbrojtjes po ashtu konfirmoi lajmin.

Alepo ka qenë qyteti më i madh i Sirisë dhe qendra e saj komerciale dhe industriale përpara kryengritjes kundër presidentit Bashar al-Assad, e cila ka nisur në vitin 2011.

Për pjesën më të madhe të luftës civile, qyteti ka qenë i ndarë në zonat që kontrollohen nga qeveria dhe në ato që mbahen nga rebelët.

Rikthimi i qytetit nën kontrollin e qeverisë do të paraqiste fitoren më të madhe ushtarake për regjimin.

XS
SM
MD
LG