Ndërlidhjet

Trump shpall sot zgjedhjen për Sekretar të Shtetit


Presidenti i zgjedhur i SHBA-së, Donald Trump.

Presidenti i zgjedhur i Shteteve të Bashkuara, Donald Trump, tha se do të shpallë sot zgjedhjen e tij për postin e Sekretarit të Shtetit.

Trump, përmes postimit në Twitter, nuk tha se kush do të jetë, por media si Fox News, AP dhe Reuters raportuan se Rex Tillerson, shef ekzekutiv i korporatës së naftës Exxon Mobil, është zgjedhja e Trumpit për postin e kryediplomatit.

Këshilltarja e Trumpit, Kellyanne Conway, u ka thënë gazetarëve se përvoja e gjatë biznesore e Tillersonit, me projekte të shpimit në Rusi, e ka bërë atë “kandidat kryesor” për këtë post.

“Jam i shqetësuar. Është shumë mirë e ditur se ai ka marrëdhënie shumë të ngushta me presidentin rus, Vladimir Putin”, ka thënë republikani John McCain, kryerar i Komitetit të Forcave të Armatosura të Senatit të SHBA-së.

XS
SM
MD
LG