Ndërlidhjet

Trump e nominon Tillerson për Sekretar të Shtetit


Shefi ekzekutiv i korporatës së naftës Exxon Mobil, Rex Tillerson

Presidenti i zgjedhur, Donald Trump ka njoftuar se shefi ekzekutiv i korporatës së naftës Exxon Mobil, Rex Tillerson është i nominuari i tij për postin e Sekretarit të Shtetit.

Para se të njoftonte për këtë, këshilltarja e Trumpit, Kellyanne Conway, u ka thënë gazetarëve se përvoja e gjatë biznesore e Tillersonit, me projekte të shpimit në Rusi, e ka bërë atë “kandidat kryesor” për këtë post.

Ky nominim konfirmon njoftimet e mediave amerikane se Tillerson do të nominohet nga Trump për Sekretar të ri të Shtetit.

“Jam i shqetësuar”, ka thënë republikani John McCain, kryetar i Komitetit të Forcave të Armatosura të Senatit të SHBA-së dhe ka shtuar: “Është shumë mirë e ditur se ai ka marrëdhënie shumë të ngushta me presidentin rus, Vladimir Putin”.

XS
SM
MD
LG