Ndërlidhjet

OKB: Egjipti e ka shtyrë paraqitjen e rezolutës kundër vendbanimeve izraelite


Pamje nga një seancë e Këshillit të Sigurimit të Kombeve të Bashkuara

Egjipti ka vendosur që ta shtyjë paraqitjen e propozim-rezolutës në Këshillin e Sigurimit të OKB-së, me të cilën bëhet thirrje për ndaljen e ndërtimeve të vendbanimeve izraelite në tokën, të cilën palestinezët e synojnë që të jetë e shtetit të tyre të ardhshëm.

Egjipti është pajtuar që ta shtyjë këtë dokument, pasi presidenti i zgjedhur amerikan, Donald Trump, e ka thirrë presidentin e Egjiptit, Abdel Fattah al-Sisi, ka njoftuar sot presidenca egjiptiane.

“Të dy liderët janë pajtuar për rëndësinë e dhënies së rastit për administratën e re, që të veproj në mënyrë gjithpërfshirëse me të gjitha aspektet e çështjes palestineze për të arritur zgjidhje gjithpërfshirëse”, thuhet në kumtesën e zyrës së presidentit al-Sisi.

Zoti Trump dje e ka mbështetur thirrjen e kryeministrit të Izraelit, Benjamin Netanyahu, që Uashingtoni të vendos veto në propozim-rezolutën në Këshillin e Sigurimit të Kombeve të Bashkuara.

XS
SM
MD
LG