Ndërlidhjet

Vdiq ish presidenti i Gjermanisë, Roman Herzog 


Ish presidenti i ndjerë gjerman, Roman Herzog

Roman Herzog, i cili derisa ishte president e ka nxitur Gjermaninë të pranojë reformat ekonomike gjatë viteve të 90-ta, ka vdekur në moshën 82 vjeçare, raporton Reuters.

Herzog njihet edhe si udhëheqësi gjerman i cili e ka nxitur vendin e tij të kujtojë holokaustin nazist.

Presidenti aktual, Joachim Gauck, e ka kujtuar Herzog sot të cilin e ka përshkruar si “personalitet i veçant”.

Herzog ka shërbyer si kryegjykatës në gjykatën më të lartë të Gjermanisë para se të fitonte presidencën në vitin 1994, katër vjet pas bashkimit të Gjermanisë.

Ai ka qenë një nga liderët e parë që është marrë me rezistencën e vendit ndaj reformave dhe stagnimit ekonomik në rritje, në kohën kur udhëheqja 16 vjeçare e kancelarit, Helmut Kohl po i afrohej fundit.

Gjermania atëkohë vuante nga papunësia dyshifrore derisa ishin shtuar edhe shqetësimet se tregu i punës ishte jo fleksibil.

XS
SM
MD
LG