Ndërlidhjet

FIFA: Në Kupën e Botës 2026 marrin pjesë 48 ekipe 


Presidenti i FIFA-s, Gianni Infantino

Organizata botërore e futbollit, FIFA ka vendosur të zgjerojë numrin e ekipeve pjesëmarrëse në Kupat e Botës nga 32 në 48 ekipe, duke filluar nga viti 2026.

Këshilli i FIFA-s ka votuar sot që të zgjerojë raundin e parë të kampionatit në 16 grupe me nga tre ekipe secili, sipas një njoftimi që është publikuar në profilin e FIFA-s në Twitter.

Presidenti i FIFA-s, Gianni Infantino, gjatë fushatës së tij për këtë post ishte zotuar se do e zgjerojë Kupën e Botës. Nga 211 anëtarë, 135 asnjëherë nuk kanë marrë pjesë në Kupën e Botës.

Kritikët, megjithatë frikësohen se zgjerimi pjesëmarrësve në Kupën e Botës do e ulë standardin e garës dhe do e bëjë Kupën e Botës shumë të gjatë dhe vështirë të menaxhueshme.

XS
SM
MD
LG