Ndërlidhjet

Austri: Policia arreston 14 të dyshuar si anëtarë të Shtetit Islamik

  • RFE /RL

Prokurorët në Graz thanë se rreth 800 policë kanë kryer bastisjet e njëkohshme

Autoritetet austriake thonë se kanë arrestuar 14 persona gjatë një numri bastisjesh në Vjenë dhe Graz

Prokurorët në Graz thanë se rreth 800 policë kanë kryer bastisjet e njëkohshme në mëngjes më 26 janar në kuadër të një “hetimi që po vazhdon për anëtarësim të dyshuar” në grupin militant Shteti Islamik.

Hetuesit thanë se nuk mendojnë se kishte rrezik të sulmit terrorist.

Tetë veta janë arrestuar menjëherë.

Të arrestuarit e moshës prej 21 deri 49 vjeçare, tre u identifikuan si shtetas austriakë me origjinë të huaj, dy shtetas të Bosnjë Hercegovinës, një sirian, një bullgar dhe një maqedonas.

Tre meshkuj dhe tri femra nga rajoni i Ballkanit u arrestuan më vonë gjatë ditës.

Prokurorët thanë se dy femra janë gratë e dy burrave të dyshuar. (REL)

XS
SM
MD
LG