Raundi i ri i bisedimeve për Sirinë në Gjenevë është shtyrë për fundin e shkurtit, ka thënë ministri i jashtëm rus të premtën, pa sqaruar çfarë e ka shtyrë takimin, raporton Associated Press.
Bisedimet që do të ndërmjetësohen nga OKB në Zvicër, paraprakisht ishte vendosur të mbahen më 8 shkurt.
Lavrov, gjatë hapjes së sotme të një samiti në Moskë me përfaqësues të opozitës siriane ka thënë se bisedimet janë shtyer për fundin e këtij muaji.
Disa grupe opozitare siriane që kanë qëllim largimin e presidentit sirian, Bashar al Assad, nuk i janë përgjigjur ftesës ruse pasi kanë ngritur dyshimet se takimi i sotëm nuk do të sjellë diçka më shumë se sa paneli i diskutimit për Sirinë që u mbajtë ditë më parë në Astana të Kazakistanit.
Lavrov ndërkohë ka thënë se Rusia e ka hartuar një draft propozim për një kushtetë të re siriane në përpjekje për të inkurajuar debatin, jo si përpjekje për të imponuar qëndrimin e Moskës ndaj sirianëve.
Mirëpo grupet rebele që kanë marrë pjesë në bisedimet e Astanas, kanë refuzuar që ta diskutojnë dokumentin në fjalë.
