Ndërlidhjet

Ka vdekur Lubisha Beara - i dënuar për masakrën e Srebrenicës


Pamje nga Qendra përkujtimore për viktimat e masakrës së Srebrenicës në Potoçari

Ish-oficeri serb i Bosnjës, Lubisha Beara, i dënuar për gjenocid nga Gjykata e Hagës për krime të luftës, për masakrën e Srebrenicës në vitin 1995, ka vdekur në një burg në Gjermnai, kanë thënë autoritetet.

Lubisha Beara, 77 vjeçar, ish-shef i sigurisë në selinë e armatës së serbëve të Bosnjës në kohën e luftës, ka vdekur më 8 shkurt, thanë autoritetet nëpërmjet një kumtese të mbrëmshme.

Ai ishte dënuar në vitin 2010 për gjenocid lidhur me rolin e tij në vrasjen e afro 8 mijë burrave e djemve myslimanë në Srebrenicë, që ishte masakra më e tmerrshme në Evropë prej Luftës së Dytë Botërore.

Lubisha Beara po e vuante dënimin me burg të përjetshëm në Tegel të Berlinit.

Deri tash ekspertët mjekoligjorë i kanë identifikuar më se 6 mijë persona të vrarë në Srebrenicë, ndërsa mbetjet e tyre janë rivarrosur në Qendrën përkujtimore Potoçari, afër Srebrenicës.

XS
SM
MD
LG