Ndërlidhjet

Shqipëri: Pengohet kontrabandimi i qindra artefakteve


Policia e Shqipërisë tha se e ka parandaluar kontrabandimin e 230 artefakteve arkeologjike nga Apollonia e lashtë dhe i ka arrestuar dy persona.

Në kumtesën e sotme të policisë theksohet se vazo, ibrika, pjesë të shisheve qeramike dhe artefakte të tjera, janë gjetur në shtëpitë e të arrestuarve në fshatin Radostinë, 120 kilometra në jug të Tiranës, raporton agjencia AP.

Në kumtesë theksohet se artefaktet ishin “gërmuar nga Parku Kombëtar Apollonia”.

Policia është ende në kërkim të dy personave të tjerë.

Të gjithë ata janë të dyshuar për kontrabandim dhe vjedhje të veprave artistike dhe mund të dënohen deri në 15 vjet burg.

Apollonia është një qytet i lashtë grek në tokat e fiseve ilire, i krijuar në shekullin e 6-të para epokës së re, raporton AP dhe shton se ky qytet, i cili kishte shënuar rënie pas 900 vjetësh, gjendet afër qytetit të Fierit në Shqipërinë e tashme.

XS
SM
MD
LG