Kryeministri i Holandës, Mark Rutte, tha se nuk ka shanse të punojë me Geert Wilders, anëtar i Parlamentit nga ekstremi i djathtë, i cili ka thënë do të mbështeste ndalimin e Islamit në Holandë.
Sondazhet e opinionit parashohin që Partia e Wildersit Liria mund të dalë partia më e madhe në zgjedhjet e 15 marsit, edhe pse pa deputetë të mjaftueshëm për të formuuar shumicën në Parlamentin prej 150 vendesh.
Rutte, në një postim në Twitter, tha se shanset për koalicion me partinë e Wildersit janë “zero”.
Megjithatë, Wilders tha se nuk i beson kryeministrit.
“Nuk mund t’i lini mënjanë 2.5 milionë votues, pas zgjedhjeve demokratike”, tha ai.
Rutte po përpiqet të sigurojë mandatin e tretë si kryeministër, por Partia e tij Liberale ka dalë e dyta në sondazhe.
