Një ndërmjetës ndërkombëtar tha se palët ndërluftuese në Ukrainë janë pajtuar që të tërheqin armët e rënda nga vija e frontit, deri më 20 shkurt, në përputhje me Planin e Minskut për Paqe.
Martin Sajdik, negociator për krizën në Ukrainë nga Organizata për Siguri dhe Bashkëpunim në Evropë, tha se Ukraina, Rusia dhe separatistët pro-rusë janë pajtuar për një gjë të tillë, pas bidesimeve të reja në Minsk.
Marrëveshja vjen pasi dhjetëra njerëz kanë mbetur të vrarë në qytetin Avdijivka, si pasojë e rritjes së dhunës, këtë muaj, midis forcave qeveritare të Ukrainës dhe separatistëve.
Në konfliktin në Ukrainë kanë mbetur të vrarë mbi 9,750 njerëz qysh në vitin 2014.
